Лукашэнка патрабуе паскорыць будаўніцтва беларускіх аб'ектаў у Сочы і Краснай Паляне
15.02.2013 / 15:33
Аляксандр Лукашэнка, які знаходзіцца з рабочым візітам у Расійскай Федэрацыі, азнаёміўся з перспектывамі завяршэння будаўніцтва аб’ектаў інфраструктуры санаторыя «Беларусь» у Сочы і комплексу адпачынку гэтага санаторыя ў пасёлку Красная Паляна, паведамілі ўпрэс-службе .
Кіраўнік справамі прэзідэнта Віктар Шэйман праінфармаваў Лукашэнку аб тым, што плануецца зрабіць на гэтых аб’ектах, каб яны максімальна прыносілі прыбытак дзяржаве.
«Пытанне адно: нам трэба скончыць пачатую справу, скончыць усе гэтыя будоўлі. Трэба зрабіць усё, каб санаторый у Сочы прывесці ў парадак», — сказаў Лукашэнка.
«Што тычыцца Краснай Паляны, то часу ў нас на раскачку практычна няма. У прынцыпе, задача была пастаўлена даўно, і вы павінны былі думаць, што тут зрабіць такім чынам, каб гэты аб’ект прыносіў грошы.Але самыя вялікія грошы — гэта Алімпійскія гульні, якія будуць праходзіць тут роўна праз год», — адзначыў ён.
Лукашэнка канстатаваў, што ўжо сёння беларускія аб’екты прыносяць нядрэнны прыбытак, гасцініца размешчана ў ідэальным месцы і карыстаецца вялікім попытам. «Але палова той зямлі, якую расейцы адвялі нам тут для будаўніцтва, яшчэ вольная. Таму трэба падумаць, што мы тут будзем рабіць. Тэрыторыя тут — а гэта лепшае ў Краснай Паляне — павінна быць