Польская амбасада сабрала шыкоўную пасылку для Севярынца: нават елачку паклалі
29.12.2012 / 18:05
Маці Паўла, спадарыня Таццяна, кажа, што гэтая пасылка з польскай амбасады стала для яе прыемнай нечаканасцю:
«Такое ўражанне, што людзі, якія збіралі пасылку, добра ўяўляюць патрэбы Паўла.
Вось быццам бы я збірала гэтую пасылку на Каляды. Тут для Паўла і берцы, і кашуля, і шкарпэткі цёплыя, шапка, пальчаткі…Таксама даслалі каву, гарбату, цукеркі, кілбаскі, мяска… І нават елачку маленькую ўклалі…».
Таццяна Севярынец кажа, што вельмі ўдзячная такой праяве салідарнасці з Паўлам:
«Я хачу перадаць падзяку польскай амбасадзе, польскаму ўраду, якія спачуваюць і падтрымліваюць Паўла. З вялікай удзячнасцю ціснем тыя рукі, якія ўкладалі гэтую пасылку за салідарнасць.
Дарэчы, 30 снежня ў Паўла — дзень народзінаў.