У Сяргея Грыца ў выніку штурханіны з’явіўся сіняк на руцэ.
Выкручваюць рукі Таццяне Зяньковіч, фота Таццяны Гаўрыльчык.
Замінаюць працаваць Сяргею Грыцу, daylife.com
Гродна, ліпень 2011. Невядомыя ў цывільным заміналі працы журналістаў.
5 ліпеня ў Гродне павінны агучыць прысуд журналісту Андрэю Пачобуту. Працэс асвятляюць калегі Андрэя. У адзін з момантаў на вуліцы на фотакарэспандэнтаў напала група невядомых маладых людзей. Як паведаміў «НН» фотажурналіст Сяргей Грыц, невядомыя былі ў цывільным. Не прадстаўляючыся, яны накінуліся на журналістаў, перашкаджалі фатаграфаваць — штурхаліся, хапалі за рукі, фотааб’ектывы. У выніку штурханіны ў Сяргея Грыца з’явіўся сіняк на руцэ. Варта адзначыць, што падобная практыка пашырылася за апошнія гады. Супрацоўнікі міліцыі спецслужбаў ў цывільным не прадстаўляючыся нападаюць на фотакораў і відэааператараў, перашкаджаючы ім працаваць.