Фота: Gazeta.ua

Фота: Gazeta.ua

Уначы ў масіве Куруўчылар (Будаўнікоў) у Ташкенце на мытным складзе кампаніі «Інтэр лагістык» адбыўся магутны выбух, які выклікаў моцны пажар.

Выбіты шыбы шматпавярховых дамоў. Ёсць пацярпелыя (колькасць не паведамляецца), на месцы было шмат машын хуткай дапамогі. Інфармацыя аб падзенні самалёта абвергнутая, піша Gazeta.uz.

Выбух быў чуваць за многія кіламетры, дым і зарыва ад пажару былі відаць з іншых раёнаў.

Выбуховай хваляй былі разбітыя шыбы дзясяткаў кватэр шматпавярховых дамоў, у дварах было шмат машын хуткай дапамогі. Многім жыхарам давялося начаваць у машынах. Частка аўтатранспарту пашкоджаная.

Паводле звестак МНС, на месца выбуху былі накіраваныя 16 пажарна-выратавальных экіпажаў і 3 аўталесвіцы.

Кампанія Uzbekistan Airports паведаміла, што выбух не паўплываў на працу сталічнага аэрапорта. «Міжнародны аэрапорт Ташкент функцыянуе без абмежаванняў у штатным рэжыме», — гаворыцца ў паведамленні.

Міністэрства аховы здароўя паведаміла, што параненыя дастаўленыя ў Рэспубліканскі навуковы цэнтр экстраннай медыцынскай дапамогі і яго філіял у Ташкенцкай вобласці.

Клас
0
Панылы сорам
2
Ха-ха
2
Ого
6
Сумна
12
Абуральна
2