У Рэчыцы мужчына падпаліў свой аўтамабіль і не пускаў выратавальнікаў. Яго «астудзілі» вадою з пажарнага шланга
Жыхары дома №10 па вуліцы Маладзёжнай у Рэчыцы прачнуліся ад моцнага выбуху ў 23:45. У двары яны ўбачылі палаючы на паркоўцы аўтамабіль, а побач з ім гаспадара машыны.
Пазней мужчына адкаціў на газон падпаленую машыну, але далёка не адыходзіў.
Калі прыбылі пажарныя, мужчына з прадметам у руках, падобным на нож, не падпускаў іх для тушэння пажару. Запал неадэкватнага мужчыны ўдалося астудзіць напорам вады з пажарнага рукава. Пасля гэтага яго затрымала міліцыя. Прычыны такіх дзіўных паводзін пакуль невядомыя.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
