Офіс British American Tobacco ў Лондане. Фота з Вікіпедыі
Буйная тытунёвая кампанія прыняла рашэнне сысці з Беларусі і Расіі. British American Tobacco прадала бізнэс. Пра гэта гаворыцца ў заяве кампаніі.
Адзначаецца, што працэс пачаўся яшчэ ў сакавіку 2022 года, а цяпер было ўкладзенае афіцыйнае пагадненне аб продажы ўсіх беларускіх і расійскіх актываў British American Tobacco ў адпаведнасці з міжнародным і мясцовым заканадаўствам.
Новым уладальнікам бізнэсу стаў кансорцыум, які ўзначальваюць менеджары кампаніі «БАТ Расія». Пасля продажу прадпрыемствы будуць працаваць пад назвай ITMS Group.
Таксама ў пагадненні закранулі пытанне рабочых. Чакаецца, што персанал заводаў будуць наймаць на ўмовах, якія дзейнічаюць цяпер. У паведамленні падкрэсліваецца, што такая практыка працягне дзейнічаць яшчэ як мінімум два гады пасля продажу.
Пасля завяршэння ўгоды British American Tobacco не будзе прысутнічаць у Беларусі і Расіі, а таксама перастане атрымліваць прыбытак ад продажаў.
Усе гандлёвыя маркі, якія прадаюцца ў РФ, застануцца ва ўласнасці расійскага бізнэсу.
Чытайце таксама:
З 1 верасня ў Беларусі падаражэюць некаторыя маркі цыгарэт
У Канадзе знайшлі новы метад барацьбы з курцамі
Партугалія забароніць курэнне на адкрытых пляцоўках і істотна абмяжуе продаж цыгарэт
