Арвідас Анушаўскас — прафесійны гісторык, даследчык гісторыі літоўскіх спецслужбаў у міжваеннай Літве, гісторыі дзейнасці КДБ у Літве, даследчык сталінскіх рэпрэсій. Ён — дацэнт Віленскага ўніверсітэта, аўтар мноства кніг па гісторыі і аўтар сцэнароў 14 дакументальных фільмаў. На фота ён з прэзідэнтам Гітанасам Наўседам, злева — міністарка эканомікі і навацый Аўшрыне Арманайце. Фота з фэйсбука Арвідаса Анушаўскаса.

Арвідас Анушаўскас — прафесійны гісторык, даследчык гісторыі літоўскіх спецслужбаў у міжваеннай Літве, гісторыі дзейнасці КДБ у Літве, даследчык сталінскіх рэпрэсій. Ён — дацэнт Віленскага ўніверсітэта, аўтар мноства кніг па гісторыі і аўтар сцэнароў 14 дакументальных фільмаў. На фота ён з прэзідэнтам Гітанасам Наўседам, злева — міністарка эканомікі і навацый Аўшрыне Арманайце. Фота з фэйсбука Арвідаса Анушаўскаса.

«На кожнага мёртвага Прыгожына з'явіцца новы Прыгожын. Яго месца могуць заняць іншыя асобы, на іншых падставах, магчыма, з іншымі сувязямі з Мінабароны Расіі», — міністр пракаментаваў смерць лідара групоўкі «Вагнер». Паводле яго, група наймітаў небяспечная, але агульная сітуацыя з бяспекай Літвы прадыктаваная вайной ва Украіне.

«Мы шмат гаворым аб гэтай групоўцы — так, яна небяспечная, так, у некаторых краінах яна абвешчаная тэрарыстычнай. Аднак агульная сітуацыя з бяспекай дыктуецца вайной ва Украіне, і ўсе астатнія дзеянні звязаныя з гэтым», — сказаў Анушаўскас.

Кіраўніца літоўскага МУС Агне Білатайце падкрэсліла, што, нягледзячы на смерць лідара ПВК «Вагнер», Літва ўвесь час адчувае пагрозу з боку агрэсіўных рэжымаў у Беларусі і Расіі.

«Мы жывем побач з такімі суседзямі, як беларускі рэжым і Расійская Федэрацыя, таму ўвесь час адчуваем пагрозы, існуе пастаянная небяспека», — сказала ў пятніцу Білатайце.

«Але мы рэагуем адэкватна, усе нашы ўстановы і службы гатовыя. А што тычыцца будучыні, то мы сапраўды складаем розныя сцэнары і разумеем, што ў гэтым кантэксце трэба быць пільнымі і расслабляцца нельга», — падкрэсліла міністарка.

Чытайце таксама:

Міністр абароны Літвы: Мы не збіраемся дрыжэць перад вагнераўцамі ў Беларусі

Прэм'ерка Шыманіце пра вагнераўцаў у Беларусі: «Гатоўнасць Літвы — адэкватная сітуацыі»

Лукашэнка: Я і не павінен гарантаваць бяспеку Прыгожына. А вагнераўцы «нікуды не бягуць»

Клас
4
Панылы сорам
2
Ха-ха
1
Ого
0
Сумна
1
Абуральна
0