Месі перайшоў у «Інтэр Маямі» пасля 18-ці сезонаў у «Барселоне» і двух сезонаў у ПСЖ. Фота: Hector Vivas / Getty Images

Месі перайшоў у «Інтэр Маямі» пасля 18-ці сезонаў у «Барселоне» і двух сезонаў у ПСЖ. Фота: Hector Vivas / Getty Images

Каманда з Фларыды правяла восем матчаў з моманту дэбюту аргенцінскага форварда, піша sports.ru.

«Інтэр» дамогся васьмі перамог. У трох з васьмі матчаў «Маямі» браў верх над сваім супернікам толькі ў выніку серыі пенальці.

З Месі ў складзе «Інтэр» абыграў «Крус Асуль» (2:1), «Атланту» (4:0), «Арланда Сіці» (3:1), «Далас» (4:4, па пенальці — 5:3), «Шарлат» (4:0), «Філадэльфію» (4:1), «Нэшвіл» (1:1, па пенальці — 10:9) і «Цынцынаці» (3:3, па пенальці — 5:4).

«Маямі» забіў 25 галоў у чужыя вароты ў гульнявы час матчаў з удзелам 36-гадовага аргенцінца. Клуб заваяваў адзін трафей (Кубак MLS+MX) і выйшаў у фінал Кубка ЗША — турніру, якому ўжо больш за 100 гадоў.

А вось у чэмпіянаце ЗША (МЛС) справы ў клуба дрэнь. Ён займае апошняе месца, адстаючы ад зоны плэй-оф на 14 балаў. Месі дэбютуе ў чэмпіянаце ЗША 27 жніўня. «Інтэр Маямі» сустрэнецца з «Нью-Ёрк Рэд Булз».

Чытайце таксама:

Ліянэль Месі стаў самым тытулаваным гульцом у гісторыі футбола

УЕФА назвала тройку прэтэндэнтаў на званне гульца сезона 2022-2023

Месі згуляў першы матч за новы клуб. І адразу забіў гол

Клас
5
Панылы сорам
0
Ха-ха
1
Ого
0
Сумна
0
Абуральна
1