Азаронак з удзельніцамі «Міс Беларусь». Скрын відэа ютуб-канала «Мінск-Навінаў»

Азаронак з удзельніцамі «Міс Беларусь». Скрын відэа ютуб-канала «Мінск-Навінаў»

Конкурс прыгажосці «Міс Беларусь» арганізоўвае Нацыянальная школа прыгажосці разам з тэлеканалам АНТ. Падчас падрыхтоўкі да фіналу для ўдзельніц ладзяць розныя сустрэчы. Прыходзіў да іх Вадзім Гігін, які цяпер узначальвае Нацыянальную бібліятэку, прывялі і прапагандыста Рыгора Азаронка.

Той прачытаў дзяўчатам лекцыю пра гісторыю і цяперашнюю палітычную сітуацыю. А пасля падзяліўся сваім стаўленнем да беларускага конкурсу прыгажосці:

«Мы бачым, ва ўсім свеце перакручваецца паняцце прыгажосці, перакручваецца паняцце нормы, перакручваецца ўся эстэтыка, яны ўсе там страцілі розум за мяжой Буга. І вось тое, што ў Беларусі захоўваецца наша разуменне, купалаўскае, коласаўскае, пушкінскае разуменне прыгажосці, кахання, свабоды, як пра гэта пісалі нашы паэты, проста цудоўна».

У Азаронка спыталі, па якім крытэрыі ён будзеце выбіраць сабе жонку.

«Трэба, каб у яе было столькі ж санкцый, колькі ў мяне», — сказаў прапагандыст.

Адна з канкурсантак была ў мерчы ад Лукашэнкі — цішотцы з яго цытатай.

Удзельніцы «Міс Беларусь» мінулых гадоў пасля конкурсу не раз суправаджалі Лукашэнку на афіцыйных мерапрыемствах і балях. Цяпер, напрыклад, яго частай спадарожніцай становіцца 20-гадовая Настасся Казырыцкая, фіналістка «Міс Беларусь».

Чытайце таксама:

Хто сядзеў побач з Лукашэнкам на канцэрце 3 ліпеня ў Вялікім тэатры? Здаецца, у яго новая фаварытка

З кім Лукашэнка танцаваў на навагоднім балі?

Паліна Шуба вяртаецца ў абойму

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?