Джон Кірбі. Фота: AP

Джон Кірбі. Фота: AP

17 ліпеня адзін з афіцыйных прадстаўнікоў Белага дома Джон Кірбі падчас брыфінгу пацвердзіў факт знаходжання байцоў ПВК «Вагнер» у Беларусі. Відэа брыфінгу прыводзіць тэлеканал C-SPAN.

Па словах Кірбі, усяго перамяшчэнні вагнераўцаў зафіксаваныя ў трох месцах: у Беларусі, у Афрыцы і на ўсходзе Украіны.

«Мы не ведаем, дзе знаходзіцца асноўная частка гэтых наймітаў. Пакуль вядома дакладна, што частка з іх ужо ў Беларусі, іншыя атрады накіраваліся ў Афрыку. Безумоўна, яны яшчэ застаюцца на акупаваных тэрыторыях Украіны», — паведаміў Джон Кірбі.

Ён таксама дадаў, што перамяшчэнні і актыўнасць вагнераўцаў цяпер ніяк не ўплываюць на баявую абстаноўку ва Украіне.

Нагадаем, што, паводле спадарожнікавых здымкаў, у лагеры пад Асіповічамі на гэты момант знаходзіцца каля ста адзінак вайсковай тэхнікі «Вагнера». Па свежай інфармацыі маніторынгавай групы «Беларускі Гаюн», у Беларусь прыбыло ўжо тры калоны расійскіх наймітаў.

Чытайце таксама:

У Белым доме пракаментавалі, ці быў мяцеж «Вагнера» толькі прыкрыццём для яго пераезду ў Беларусь

У Дзярждуме Расіі заявілі, што ПВК «Вагнер» патрэбная ў Беларусі для будучага захопу Сувалкскага калідора

Беларусы зноў могуць падаць заяўку на ўдзел у прэстыжнай амерыканскай адукацыйнай праграме

Клас
0
Панылы сорам
0
Ха-ха
0
Ого
0
Сумна
0
Абуральна
1

Хочаш падзяліцца важнай інфармацыяй ананімна і канфідэнцыйна?