Фота: тэлеграм-канал Савета Рэспублікі

Фота: тэлеграм-канал Савета Рэспублікі

Качанава азнаёмілася з ходам работ, ёй паказалі тыпавую кватэру на шостым паверсе. Від з акна, дарэчы, ёй спадабаўся.

Скрыншот відэа Савета Рэспублікі

Скрыншот відэа Савета Рэспублікі

Таксама Наталля Качанава з прадстаўніком будаўнічага ўпраўлення Анатолем Вядзерчыкам выбірала дзверы, якія будуць устаноўленыя ў кватэрах.

Ёй прапанавалі некалькі варыянтаў з рознай цаной.

«Ну і што, якія вам лепш?» — спытала Качанава.

«Кожнаму сваё», — саскочыў Вядзерчык.

Старшыня Савета Рэспублікі ў выніку спыніла выбар на дзвярах №5 — самых простых і танных.

«385 рублёў. А нічога сабе, — парадавалася яна. — Акцэнт на суадносінах цаны і якасці! І, вядома, вытворца наш, айчынны».

Яна таксама пракаментавала журналістам стан спраў на аб'екце.

«Гэты аб'ект быў досыць праблемны, калі інвестар пачаў яго будаўніцтва, а потым проста не змог завяршыць. Доўга мы думалі, у выніку было прынята такое рашэнне, якое сёння дапаможа нам скончыць гэты аб'ект. Перш за ўсё тут будуць размешчаны гандлёвыя аб'екты, дзе будуць прадавацца тавары нашых вытворцаў, а мы ведаем, якой папулярнасцю яны карыстаюцца».

Фота: Савет Рэспублікі

Фота: Савет Рэспублікі

«Тыя тэрміны, якія вызначаныя для ўводу гэтага аб'екта, а гэта 1 студзеня 2024 года, я ўпэўненая, што яны будуць вытрыманыя, таму што іншага не дадзена», — рэзюмавала трэцяя асоба ў краіне.

Чытайце таксама:

Наталля Качанава: Дзеці павінны быць жаданымі

Наталля Качанава прапанавала правесці інвентарызацыю прамысловасці Беларусі і Расіі

Наталля Качанава заявіла, што часам ёй хочацца ўстаць і крычаць

«Наталля Іванаўна, вы можаце проста адчыніць нам вароты ноччу». Пракоп'еў звярнуўся да Качанавай

Клас
0
Панылы сорам
12
Ха-ха
21
Ого
1
Сумна
2
Абуральна
4