Урад Японіі лічыць, што перамяшчэнне расійскай нестратэгічнай ядзернай зброі на тэрыторыю Беларусі павысіць градус напружанасці вакол сітуацыі ва Украіне. Пра гэта ў пятніцу заявіў генеральны сакратар кабінета міністраў Японіі Хіракадзу Мацуна.
«Мы асуджаем пастанову аб размяшчэнні на тэрыторыі Беларусі расійскай тактычнай ядзернай зброі, якая на фоне расійскага ўварвання ва Украіну толькі павысіць градус напружанасці», — адзначыў ён. Мацуна падкрэсліў, што Японія, «будучы адзінай краінай, якая пацярпела ад атамных бамбаванняў, лічыць пагрозы прымянення ядзернай зброі зусім недапушчальнымі», піша ТАСС.
У чацвер міністры абароны Расіі і Беларусі Сяргей Шайгу і Віктар Хрэнін падпісалі ў Мінску дакументы, якія вызначаюць парадак утрымання расійскай ядзернай зброі ў спецыяльным сховішчы на беларускай тэрыторыі. Аляксандр Лукашэнка заявіў, што перамяшчэнне нестратэгічнай ядзернай зброі з Расіі на тэрыторыю краіны ўжо пачалося.
Чытайце таксама:
Размяшчэнне ядзернай зброі ў Беларусі не будзе азначаць рэальную эскалацыю з боку РФ — ISW
Лукашэнка заявіў, што пачалося перамяшчэнне ў Беларусь ядзерных боепрыпасаў
