Эдуард Бабарыка амаль тры гады знаходзіцца ў зняволенні без суда
Эдуарда Бабарыку будуць судзіць за ўхіленне ад выплаты падаткаў, легалізацыю сродкаў, атрыманых злачынным шляхам, дапамогу ў арганізацыі масавых беспарадкаў і распальванні варожасці.
Праваабаронцы ацэньваюць гэтыя абвінавачанні як палітычна матываваныя, лічаць, што Бабарыку-сына арыштавалі для ціску на Бабарыку-бацьку.
Пра лёс самога Віктара Бабарыкі нічога не вядома ўжо месяц. Раней паведамлялася, што ў ноч з 24 на 25 красавіка Віктар Бабарыка быў шпіталізаваны з калоніі Наваполацка ў бальніцу. Далейшае месцазнаходжанне палітвязня невядомае.
12 мая з'явілася інфармацыя ад праваабаронцаў, што да свайго атрада ў наваполацкай калоніі ён нібыта ўжо не прыпісаны, а пазней — пра тое, што яго нібыта перавялі ў турэмную бальніцу пры СІЗА-1 у Мінску. Ні адвакаты, ні родныя не змаглі з ім пабачыцца.
Чытайце таксама:
Былы палітвязень з наваполацкай калоніі расказаў, якога кампрамісу патрабавалі ад Бабарыкі
«Я вельмі не люблю тэрмін справядлівасць». Эдуард Бабарыка даў інтэрв'ю з СІЗА
