Фота: facebook.com/kudin.project
У экспазіцыі будуць прадстаўленыя жывапіс і графіка мастака 2007-2017 гадоў. Куратаркай і арганізатаркай выставы выступіла Наталля Кудзіна, маці Захара.
Стваральнік нейра-арта Захар Кудзін нарадзіўся ў 1986 годзе ў Мінску. Пасля заканчэння мастацкай вучэльні ў Беларусі ён з 2011 па 2013 гады жыў і падарожнічаў па ЗША, вывучаючы амерыканскае арт-асяроддзе. Пасля вяртання ў Беларусь уліваецца ў калектыўныя праекты, супрацоўнічае з галерэямі, робіць персанальныя выставы. Кудзін — самы малады мастак, чыя праца знаходзіцца ў калекцыі Нацыянальнага мастацкага музея Беларусі. Аднак у снежні 2019-га ён прыняў рашэнне аб сыходзе з жыцця. На гэты момант спадчынай мастака займаюцца яго маці і блізкія.
Адкрыццё выставы Untitled адбудзецца ў мінскай галерэі DK (Герцэна, 2а) заўтра (24 сакавіка) у 19.00.
