Скарацілі спіс зон, дзе забаронена лётаць беспілотнікам
У Міністэрстве абароны Беларусі змянілі спіс забароненых зон для палётаў беспілотнікаў. Гэта вынікае з пастановы Мінабароны №5 ад 7 сакавіка 2023 года. Дакумент апублікаваны на Нацыянальным прававым партале.
Ілюстрацыйны здымак. Фота: unsplash.com / Maria Teneva
У дакуменце напісана, што пасля ўнясення карэкціровак колькасць зон, дзе забаронена лётаць беспілотнікам, была скарочаная да 410. Спачатку ў дакуменце гаварылася пра 437 зон.
Разам з тым у пастанове былі вызначаныя пілатажная зона, зона ўзлёту і пасадкі, а таксама пералік пазатрасавых маршрутаў новага аэрадрома «Махалін», які знаходзіцца пад Брэстам.
У новай рэдакцыі дакумента быў прапісаны пералік спецыяльных зон у паветранай прасторы Беларусі.
Чытайце таксама:
Пасля атакі на расійскі самалёт у Мачулішчах Мазырскі НПЗ закупляе сістэму назірання за беспілотнікамі
Сілавікі сталі цікавіцца ўладальнікамі дронаў
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
