Яўген Прыгожын пацвердзіў, што стварыў «фабрыку троляў»
Пецярбургскі бізнэсмен, уладальнік ПВК Вагнера Яўген Прыгожын прызнаў, што стварыў і доўгі час кіраваў «Агенцтвам інтэрнэт-даследаванняў», якое таксама вядомае як «фабрыка троляў». Пра гэта Прыгожын паведаміў у адказ на запыт журналістаў Der Spiegel. Каментарый Прыгожына распаўсюдзіла яго прэс-служба.
Фота: AP
«Я ніколі не быў проста фінансістам «Агенцтва інтэрнэт-даследаванняў». Я яго прыдумаў, я яго стварыў, я ім кіраваў доўгі час», — заявіў Прыгожын, адказваючы на пытанне, ці фінансаваў ён «Агенцтва інтэрнэт-даследаванняў».
Прыгожын сказаў, што стварыў «фабрыку троляў» «для абароны расійскай інфармацыйнай прасторы ад хамскай агрэсіўнай прапаганды антырасійскіх тэзісаў з боку Захаду».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
