За хабар затрымалі менеджара БелАЗа
Пры правядзенні аператыўна-пошукавых мерапрыемстваў было ўстаноўлена, што 35-гадовы ўраджэнец Барысаўскага раёна, які працуе намеснікам начальніка ўпраўлення — начальнікам аддзела забеспячэння металамі — сістэматычна атрымліваў хабар ад заснавальніка расійскай кампаніі-пастаўшчыка металапрадукцыі, паведамляе прэс-служба МУС.
Днямі пасля перадачы чарговага траншу ў 9 тысяч рублёў у эквіваленце ў розных валютах быў затрыманы 59-гадовы хабарадавальнік, жыхар Мінскага раёна, хабараатрымальнік і іншыя ўдзельнікі карупцыйнага ланцужка: жонка службовай асобы, яе бацька, а таксама менеджар кампаніі-пастаўшчыка.
У дачыненні да ўсіх фігурантаў следчымі распачатыя крымінальныя справы, на іх маёмасць накладзены арышт.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
