Супрацоўнікі ГУБАЗіКа ўварваліся ў кватэру Каваленкі і правялі ператрус, падчас якога забралі асабістыя камп'ютар і тэлефон. На цяперашні момант мужчына змешчаны ў ізалятар на Акрэсціна.
Паволе папярэдняй інфармацыі, на Каваленку заведзеная крымінальная справа, але невядома, што яму ставіцца ў віну.
Мікіта Каваленка — вернік адной з мінскіх баптысцкіх цэркваў і адзін з найлепшых знаўцаў рэлігійнай архітэктуры Беларусі XVI стагоддзя. Апошні час ён працаваў распрацоўшчыкам у сферы ІТ. Мужчыну раней ужо затрымлівалі падчас пратэстаў у 2020 годзе.
