«Мы часова прыпыняем працу бара і сыходзім на вакацыі. Спадзяёмся, што вельмі хутка мы зноў убачымся з вамі ў сценах улюбёнай Птушкі!»
Гэта ўжо не першы выпадак закрыцця «Перасмешніка». У лістападзе 2020-га, калі ўстанова належала рэстаратарцы Вользе Мазур, бар зведаў шматлікія праверкі і штрафы пасля ўдзелу ў пратэснай забастоўцы, праз што Мазур неўзабаве была затрымана на 15 сутак, а потым вырашыла выставіць установу на продаж.
Бар з новым уладальнікам адкрыўся на тым самым месцы ў сакавіку 2021-га. Але не змог пратрымацца і двух гадоў.
