На гэта звярнула ўвагу газета The Times. Фатаграфія была зробленая летам на сустрэчы Джонсана (тады яшчэ прэм'ера) і Шэпса, які ў той час быў міністрам транспарту, з прадстаўнікамі амерыканскай кампаніі Virgin Orbit на фоне ракеты LauncherOne, піша РБК.
Гэтым разам міністр апублікаваў фота ўжо без былога прэм'ера, прымеркаваўшы здымак да першага ў гісторыі запуску ракеты на арбіту з тэрыторыі Вялікабрытаніі. Запуск не атрымаўся, ракета-носьбіт паветранага запуску LauncherOne не змагла вывесці на арбіту дзевяць міні-спадарожнікаў у інтарэсах розных кампаній і дзяржустаноў, у тым ліку брытанскага Міністэрства абароны і Нацыянальнага ўпраўлення ваенна-касмічнай разведкі ЗША (NRO).
Пасля таго як на адсутнасць Джонсана на фота звярнулі ўвагу карыстальнікі Twitter, Шэпс выдаліў допіс.
дык кепска выразаў - след застаўся) а хаця не - выразаў дык выразаў - разам з паловай апоры - ракета вісіць у паветры)