Як сцвярджаюць крыніцы выдання The Economic Times, Пакістан ў гэтым месяцы плануе адправіць 159 кантэйнераў з боепрыпасамі ва Украіну праз марскі порт у Польшчы.
«Пакістанская суднаходная і брокерская фірма Project Shipping плануе адпраўляць боепрыпасы з порта Карачы ў порт Гданьска ў Польшчы ў другой палове студзеня», — паведамляе выданне.
Таксама паведамляецца, што судна пад назвай BBC Vesuvius будзе перавозіць 155-мм снарады, зарады M4A2, капсулы M82 і выбухоўнікі PDM.
За гэта Пакістан, па інфармацыі выдання, можа атрымаць украінскую дапамогу ў мадэрнізацыі сваіх верталётаў Мі-17. Украінская фірма, якая займаецца вытворчасцю авіяцыйных рухавікоў, а таксама прамысловых марскіх газавых турбін, дапамагае ў мадэрнізацыі пакістанскіх верталётаў.
Акрамя таго, пастаўшчык зброі DMI Associates, які базуецца ў Ісламабадзе, супрацоўнічае з абароннымі фірмамі ва Усходняй Еўропе для перадачы вайсковых замоў для ўкраінскіх вайскоўцаў.
Украіну і Пакістан звязваюць цесныя ваенныя і прамысловыя сувязі. Ісламабад закупіў больш за 320 украінскіх танкаў Т-80УД, а ў перыяд з 1991 па 2020 год Украіна заключыла з Пакістанам кантракты на пастаўку зброі на суму амаль 1,6 мільярда даляраў. Паведамляецца, што Ісламабад у тым ліку заключыў дамову з Кіевам на рамонт свайго парку танкаў Т-80УД коштам больш за 85 мільёнаў даляраў.
Летась Пакістан і Украіна дамовіліся аптымізаваць вайсковыя сувязі, асабліва ў галіне абароннай вытворчасці, падрыхтоўкі кадраў, контртэрарыстычнай дзейнасці і выведкі. Тады Пакістан таксама адыграў вырашальную ролю ў перадачы зброі ад імя Вялікабрытаніі Украіне.
Чытайце яшчэ:
«Вагнер» нібыта захапіў Салядар. Ва УСУ абвяргаюць, у Крамлі просяць чакаць афіцыйных звестак
ISW: Захоп Салядара не азначае акружэння Бахмута
CNN: Расія скараціла інтэнсіўнасць артабстрэлаў, месцамі на 75%
