Беларусы з гуманітарным дазволам на жыхарства змогуць атрымаць замест пашпарта польскі праязны дакумент для іншаземца
З 1 студзеня 2023 года грамадзяне Беларусі, якія атрымалі дазвол на часовае пражыванне ў Польшчы ў адпаведнасці з арт. 186 пар. 1 п. 9 Закона аб іншаземцах ад 13 снежня 2013 года, могуць атрымаць польскі праязны дакумент для іншаземца, паведамляе Цэнтр беларускай салідарнасці.
Польскі праязны дакумент выдаецца тэрмінам на 1 год і замяняе сабой у паездках за мяжу пашпарт у выпадках, калі дакумент згублены, пашкоджаны або непрыдатны для выкарыстання, а атрымаць новы пашпарт чалавек не можа з-за рызыкі падвергнуцца рэпрэсіям у выпадку вяртання на радзіму.
Падаць заяву на выдачу польскага праязнога дакумента для замежніка неабходна ваяводзе па месцы жыхарства заяўніка. Спампаваць бланк заявы можна па спасылцы.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
