«Кіеў любымі шляхамі імкнецца справакаваць рэгіянальны канфлікт. Украінскаму боку недастаткова вайны на сваёй тэрыторыі. Прыкладам таму нядаўні інцыдэнт са знішчэннем украінскай ракеты С-300. Прычыну яе прылёту на нашу тэрыторыю мы высветлім. Але гарантый таго, што яна заляцела да нас выпадкова, вельмі мала. Па ўсёй бачнасці, тут рэалізуецца чыясьці задума», — нагнятае дзяржсакратар Рады бяспекі ў інтэрв'ю Sputnik.
Падзенне абломкаў ракеты пад Янавам адбылося падчас масіраванай ракетнай атакі Расіі па ўкраінскай інфраструктуры. Украінскі бок сцвярджае, што было выпушчана 69 ракет, 54 з якіх украінская супрацьпаветраная абарона збіла. Комплексы С-300 складаюць касцяк украінскай проціракетнай абароны.
Абломкі ракеты знайшлі ў полі каля вёскі Гарбаха. Пры іх падзенні ніхто не пацярпеў.
Мінабароны агучыла свае дзве версіі падзення ракеты пад Янавам
«На фота слядоў паражэння няма»: вайсковец высмеяў заяву Мінабароны пра «збітую ўкраінскую ракету»
