Фота: Lucas Lenzi / Unsplash
Калі чалавек прымае рашэнне зрабіць татуіроўку, часта ён думае, што гэта назаўсёды, што выбраная ідэя і выява застанецца з ім назаўжды і ніколі не перастане быць актуальнай. Але калі часам прыходзіць пераасэнсаванне «нязменнасці» выбару тату — незалежна ад таго, зроблена яна асэнсавана, ці ў імпульсіўным стане любові, ці ў іншым змененым стане свядомасці — тады на дапамогу прыходзіць навука лазернага выдалення татуіроўкі.
Popular Mechanics піша пра асноўныя моманты, якія трэба ведаць, перш чым прыняць рашэнне пайсці пад прамень.
Як працуе лазернае выдаленне татуіроўкі?
Асноўны метад лазернага выдалення татуіроўкі забяспечваецца надзвычай кароткім імпульсам лазернай энергіі. Натуральны тон скуры пацыента, пігмент татуіроўкі, абраны лазер і метад яго працы — усё гэта ўплывае на тое, як працэс узаемадзейнічае з чарнілам.
Лазерная энергія Q-switched лазера, які звычайна выкарыстоўваецца для выдалення, награвае пігменты татуіроўкі ў геаметрычнай прагрэсіі, часам дасягаючы 300 °C. Гэта прыводзіць да разбурэння часціц пігменту і вызвалення пігменту татуіроўкі з клетак скуры. Такі ж прынцып працы і ў больш новага пікасекунднага лазера. Такім чынам энергія лазернага святла ператвараецца ў цяпло ў чарніле, і гэтая рэакцыя літаральна ўзрывае пігмент і прымушае яго знікаць.
Нармальная імунная сістэма чалавека звычайна выдаляе пабочныя часціцы са скуры, але арыгінальныя часціцы чарніла для татуіроўкі занадта вялікія. Але ж выкарыстанне лазера разбівае гэтыя часціцы на больш дробныя часткі. Лазеры могуць хутка награваць клеткі, якія змяшчаюць пігмент, кароткімі імпульсамі, каб разарваць іх і адправіць фрагменты ў цела для дрэнажу.
Куды дзяецца ўсё гэтае чарніла? Частка пігменту татуіроўкі вымываецца натуральнай лімфатычнай сістэмай арганізма, а частка выдзяляецца ў працэсе гаення паверхні скуры пасля апрацоўкі.
Калі лазернае выдаленне татуіроўкі найбольш эфектыўнае?
Нанясенне больш цёмных пігментаў (напрыклад, чорнага і сіняга) на светлую скуру дае лепшы шанец для поўнага выдалення татуіроўкі. Іншыя фактары, якія палягчаюць выдаленне татуіровак, — калі татуіроўкі старыя і калі іх робяць аматары, а не прафесійныя тату-салоны. Старыя татуіроўкі лягчэй выдаліць, таму што цела ўжо расклала частку чарніла. Многія (але не ўсе) лазерныя сістэмы могуць выдаляць дадатковыя колеры, такія як чырвоны, жоўты, аранжавы і зялёны, змяняючы даўжыню хвалі лазера.
Касметычныя татуіроўкі, такія як, напрыклад, падводка для вуснаў, цяжка выдаліць з дапамогай лазера з-за наяўнасці аксіду жалеза або дыяксіду тытану. З-за хімічнай рэакцыі такое чарніла часта цямнее пры выкарыстанні лазера. У гэтых выпадках найлепшым падыходам з'яўляюцца мікраіголкі або вуглекіслотны лазер.
Наколькі балючае лазернае выдаленне татуіроўкі?
Дактары кажуць, што працэс найбольш эфектыўны і найменш балючы, калі пацыент адчувае сябе камфортна, таму пацыентам часта робяць ін'екцыі лідакаіну ў скуру. Некаторыя людзі кажуць, што дыскамфорт нагадвае першапачатковае нанясенне татуіроўкі. Працэс таксама апісваецца як нешта падобнае да таго, як цяжкая гумовая стужка неаднаразова прыціскаецца да скуры.
Чаго чакаць да і пасля лазернага выдалення татуіроўкі
Калі чарніла для татуіроўкі апусцілася ніжэй за верхні пласт скуры, дэрматолагу трэба зразумець найлепшыя варыянты выдалення. Кансультацыя не толькі дапаможа вам і дэрматолагу вызначыць, якія прылады і матэрыялы спатрэбяцца. Першапачаткова спецыяліст можа нават пратэставаць лазеры на вашай скуры. Пры гэтым вам спатрэбяцца ахоўныя акуляры.
Пасля лекавання на скуры можа з'явіцца ацёк, пухіры або крывацёк. Вобласць можа быць нават адкрытай ранай, і яе трэба лячыць менавіта як адкрытую рану. І чакаць вяртання. Часта для поўнага выдалення татуіроўкі — калі поўнае выдаленне магчымае — патрабуецца некалькі наведванняў. Чым больш тату, тым больш неабходна апрацовак. Многія татуіроўкі патрабуюць ад пяці да дзесяці працэдур, як правіла, з інтэрвалам ад шасці да васьмі тыдняў.
Некаторыя татуіроўкі немагчыма цалкам выдаліць, паколькі чарніла можа занадта глыбока трапіць у скуру або колер фарбы можа дрэнна рэагаваць на ўздзеянне лазера.
Якія поспехі былі дасягнутыя ў лазерным выдаленні татуіровак?
Навука аб лазерным выдаленні татуіровак прасунулася далей, чым проста розныя даўжыні хваль, з мэтай нацэліцца на розныя колеры. Дэрматолагі ўжо пачынаюць выкарыстоўваць пікасекундныя лазеры для падачы лазернай энергіі з меншай працягласцю імпульсу; тыповыя Q-switched лазеры забяспечваюць энергію цягам нанасекунды, але пікасекундны варыянт можа ствараць больш дробныя часціцы пігмента, якія прасцей будуць выводзіцца арганізмам са скуры.
Даданне метадаў лячэння акустычнымі хвалямі можа быць дадаткам да лазернай тэрапіі, бо гукавыя хвалі дапамагаюць інтэнсіўнай вібрацыі пігменту татуіроўкі і могуць спрыяць большаму разбурэнню і вызваленню пігменту падчас сеанса.
Ці бяспечнае лазернае выдаленне татуіроўкі?
Амерыканская акадэмія дэрматалогіі верыць у бяспеку лазернага выдалення татуіровак. «Большасць людзей могуць бяспечна выдаляць татуіроўкі лазерам», — піша асацыяцыя на сваёй старонцы часта задаваных пытанняў, толькі з некалькімі выключэннямі. Там адзначаюць, што лазеры ў значнай ступені замянілі іншыя метады выдалення татуіровак, дзякуючы эфектыўнасці выдалення чарніла з меншай колькасцю працэдур і здольнасці апрацоўваць тыя колеры чарніла, якія калісьці было цяжка выдаліць.
