«Іран не зацікаўлены ў пагадненні, і мы сканцэнтраваныя на іншых рэчах, — заявіў Мэлі. — Проста цяпер мы можам змяніць сітуацыю, спрабуючы стрымаць і сарваць пастаўкі зброі ў Расію і спрабуючы падтрымаць асноўныя спадзяванні іранскага народа».
Расійскія ўлады адмаўляюць выкарыстанне іранскай зброі, хоць для экспертаў абсалютна відавочна, што беспілотнікі «Герань-2», якія масава выкарыстоўваліся ў тым ліку для атак на ўкраінскія энергааб'екты, — гэта закупленыя ў Іране «Шахеды».
У сувязі з іх пастаўкай у Расію супраць Ірана ўводзіліся санкцыі. Паведамленні аб магчымых пастаўках іранскіх ракет Расіі пакуль не знайшлі пацверджання.
