«Рэжым у Беларусі нясе поўную адказнасць за здароўе і дабрабыт Марыі Калеснікавай, а таксама астатніх 1 440 палітвязняў. Усе, хто мае дачыненне да гэтага, будуць прыцягнутыя да адказнасці», — заявіў афіцыйны прадстаўнік амерыканскага знешнепалітычнага ведамства.
Учора стала вядома, што Марыя Калеснікава патрапіла ў рэанімацыю гомельскай бальніцы. Адваката да яе не пускаюць, а яе родным, а адпаведна і грамадскасці, адмаўляюцца паведаміць дыягназ.
