Адзін з галоўных наратываў лукашэнкаўскай прапаганды цяпер — што Еўропа перажывае страшны энергетычны крызіс, у якім, нібыта, сама і вінаватая. Маўляў, не трэба было ўводзіць санкцыі супраць Беларусі і Расіі.
«Кішынёў і Талін напярэдадні патанулі ў цемры. Сталіцы Малдовы і Эстоніі абвясцілі аб выключэнні асвятлення ў мэтах эканоміі», — хвалюецца за жыхароў Кішынёва і Таліна (а не Слуцка і Бешанковічаў) вядучая БТ.
«Кішынёў і Талін адмовіліся ад начнога асвятлення. Жыхарам даводзіцца ўключаць інтуіцыю, каб дабрацца да патрэбнага адрасу, паколькі цяпер будынкі ў гарадах ледзь можна адрозніць. А вуліцы асвятляюць не ліхтары, а аўтамабілі. Людзі назвалі гэта канцом свету», — наракае СТБ.
А як насамрэч у Таліне?
Гэтыя паведамленні прапагандыстаў — чыстая маніпуляцыя. Гэта праўда, што на фоне энергетычнага крызісу многія еўрапейскія гарады імкнуцца скараціць спажыванне электраэнергіі, каб скараціць расходы. Але эканомяць у першую чаргу на дэкаратыўным падсвятленні помнікаў і вітрын зачыненых магазінаў — на тым, што ніяк не ўплывае на бяспеку і зручнасць для жыхароў.
Нават у рэжыме эканоміі асвятленню Таліна маглі б пазайздросціць многія беларускія гарады.
У прыватнасці, у рамках эканоміі талінская мэрыя вырашыла, што калядная ілюмінацыя ў горадзе абавязкова будзе, але не да канца лютага (як звычайна), а толькі да 15 студзеня.
Фасады некаторых аб'ектаў і цэркваў не будуць падсвятляцца з 23:00 да 7:00. З 01:00 да 05:00 асвятленне будуць выключаць на закрытых паркоўках, лясных сцежках здароўя, агароджаных гульнявых пляцоўках.
Таксама асвятлення ноччу не будзе на дзіцячых пляцоўках, якімі ноччу не карыстаюцца. Але гэта будуць не тыя аб'екты, дзе людзі ідуць з пункта А ў пункт Б.
На практыцы гэта ўсё вельмі далёка ад прапагандысцкіх эпітэтаў «патанае ў цемры». Куды больш гэты выраз падыходзіць беларускім гарадам за МКАДам.
Вось так выглядае Слуцк увосень. Раён каля цэнтральнай бальніцы. Пешаходны пераход!
Фота: Інфа-Кур'ер
А так выглядае мясцовая «Алея Герояў». Асвятленне сёлета ў гэтым парку ні разу не ўключалі.
Фота: Інфа-Кур'ер
Мы папрасілі нашых чытачоў з розных гарадоў Еўропы прыслаць, як зараз выглядаюць увечары гарады, дзе яны жывуць. Ці праўда Еўропа «патанае ў цемры»? Усе фота зробленыя ўвечары 2 лістапада. Як было 2 лістапада, так людзі і здымалі.
Нямеччына. Горад Нойрупін, Брандэнбург. У горадзе жыве 30 тысяч чалавек, гэта прыкладна як Бяроза.
Беласток, Польшча.
Сафія, Балгарыя.
Більбаа, Іспанія.
Уроцлаў, Польшча.
Алікантэ, Іспанія.
Варшава, Польшча.
Варшава, Польшча.
Ольштын, Польшча.
Вёска ў Нямеччыне з насельніцтвам 1870 чалавек.
Рым з самалёта.
Берлін, Нямеччына.
Будапешт, Венгрыя.
Гданьск, Польшча.
Вільня, Літва.
Тарту, Эстонія.
Мястэчка ў правінцыйнай Нямеччыне.
Бадэн-Бадэн.
Харлінген, Нідэрланды.
Вільня, Літва. Крыжы на гары Трох Крыжоў удалечыні падсветленыя ў колеры ўкраінскага сцяга.
