Па словах кіраўніка ўрада, павольней уваходзіць у сітуацыю больш дробны бізнэс. Узрушэнне і хваляванне ён назваў «нармальнымі эмацыйнымі рэакцыямі».
Урад, паводле яго слоў, рэгулярна маніторыць сітуацыю, у тым ліку на месцах.
«Мы бачым, што там, дзе буйныя суб'екты (вытворчасць, гандаль), яны ўжо цалкам адаптаваліся і падладзіліся пад новыя правілы, ужо спакойна па іх працуюць. Больш дробны сегмент павольней уваходзіць у сітуацыю», — сказаў прэм'ер-міністр.
Галоўчанка мяркуе, што бізнэсу цяжка змірыцца, што больш не атрымаецца накручваць на тавар па 100-200%.
«Рэальны сектар эканомікі, у тым ліку прыватная вытворчасць, жыве з рэнтабельнасцю 7-10% і лічыць гэта нармальным, 15% — гэта, як гаворыцца, за шчасце. Думаю, прадпрымальнікі, гандаль, вытворцы будуць узмоцнена працаваць над выдаткамі. Гэта вельмі важны складнік фарміравання сабекошту і адпаведна — цаны», — сказаў Раман Галоўчанка.
Таксама прэм'ер-міністр адзначыў, што прынятыя рашэнні па цэнах не абавязкова будуць заўсёды, але «цяпер дзейнічае такі рэжым, і мы будзем вучыцца ў ім жыць».
Рашэнне ён назваў адначасова вымушаным і правільным.
