ЗША выдзяляюць яшчэ 2,8 млрд даляраў на ваенную дапамогу Украіне і суседнім краінам 2
ЗША дадуць Украіне і яшчэ 18 краінам 2,2 млрд даляраў доўгатэрміновых інвестыцый на закупку ўзбраення для ўзмацнення сваёй бяспекі. Сродкі выдзяляюцца краінам-сябрам НАТА і «рэгіянальным партнёрам ЗША, якія могуць апынуцца пад пагрозай агрэсіі з боку Расіі». Такую заяву зрабіў сёння дзяржсакратар ЗША Энтані Блінкен у ходзе візіту ў Кіеў, паведамляе прэс-служба Дзярждэпартамента ЗША.
Акрамя гэтага, ЗША выдзеляць Украіне чарговы пакет ваеннай дапамогі на 675 млн даляраў. Пакет уключае артылерыйскія боепрыпасы, ракеты, бронеаўтамабілі, стралковую зброю, браняваныя машыны хуткай дапамогі, супрацьтанкавыя сістэмы, РСЗА, 105-мм гаўбіцы і іншае.
