Калі коратка, то праблема ў наступным: што б вы ні рабілі з ботам, стандартныя кліенты Telegram паказваюць, што вы ім карысталіся. Гэта стала падставай для завядзення шматлікіх справаў супраць пратэстоўцаў і людзей, якія рэгістраваліся ў плане «Перамога».

Да таго ж, боты, якімі вы некалі карысталіся, заўжды паказваюцца ў пошуку. І калі ўвесці ў пошукавы радок слова bot, то вы пабачыце ўсіх ботаў, у якія вы некалі пісалі. А ўсе выдаленыя і заблакаваныя боты можна пабачыць па шляху «Налады > Прыватнасць і бяспека > Заблакіраваныя карыстальнікі». Іх жа пабачаць і сілавікі ў выпадку затрымання.

Ілюстрацыя ўразлівасці. Бот і перапіска з ім выдаленыя, але ён бачны ў пошуку і пры выбары бота паказваецца кнопка «Restart bot».

Складанасць яшчэ і ў тым, што гэтая магчымасць яўна не апісаная ў API самога Telegram. Але «Кіберпартызаны» вынайшлі рашэнне праблемы, хоць і не ідэальнае. Каб выдаліць усіх ботаў, зрабіце наступнае (інструкцыя працуе найлепш для камп'ютарнай версіі Telegram, відэа-інструкцыя напрыканцы артыкулу):

1. Разблакуйце ў чорным спісе ўсіх ботаў.

Спіс заблакаваных карыстальнікаў мусіць выглядаць так.

2. Увядзіце слова bot у радку пошуку Telegram.

3. Абярыце бот, які трэба выдаліць назусім. У акне дыялогу з ім націсніце тры вертыкальныя кропкі і абярыце «Ачысціць гісторыю».

Трэба абраць пункт «Ачысціць гісторыю».

4. Зноў увядзіце слова bot у радку пошуку Telegram. Націсніце на той жа самы бот правай кнопкай мышы і абярыце «Выдаліць чат».

Пункт «Выдаліць чат» выглядае так.

5. Пачакайце каля сутак. Увесь гэты час не шукайце ботаў у радку пошуку! Пасля гэтага робат павінен канчаткова выдаліцца.

Ёсць нюанс: гэтага можа не адбыцца. Калі спроба правалілася, паўтарыце ўсе пункты нанова — «Кіберпартызаны» кажуць, што праз пару спробаў гэта дакладна атрымаецца.

Удакладненне для Android: калі вы выдаляеце дыялог з ботам на тэлефоне, бот з'яўляецца ў вашым чорным спісе. Разблакуйце адтуль усіх ботаў пасля выдалення. Яны знаходзяцца па шляху: «Налады > Прыватнасць і бяспека > Заблакаваныя карыстальнікі».

Заўвага для iOS: там выдаленне працуе дрэнна. Уладальнікам тэхнікі Apple лепш выдаляць ботаў праз вэб-версію Telegram (https://telegram.org/dl/webk). Але замест «Ачысціць гісторыю» адразу выбірайце «Выдаліць чат».

У далейшым не абірайце пункт «Спыніць і заблакаваць бота» (гэта стандартнае дзеянне, калі вы проста выдзяляеце бот і спрабуеце яго выдаліць). Замест гэтага дзейнічайце па прыведзенай вышэй інструкцыі.

Відэа-інструкцыя

Мы запыталіся іншых экспертаў і ініцыятывы, якія займаюцца кібербяспекай: больш надзейнай і простай інструкцыі яны не вынайшлі, а Telegram даволі доўгі час ігнаруе праблему.

«Наша Нiва» — крыніца якаснай інфармацыі і бастыён беларушчыны

ПАДТРЫМАЦЬ «НН»

Чытайце яшчэ:

Як правільна чысціць свой акаўнт у Instagram, каб засцерагчы сябе. Падрабязны гайд

Распавядаем, як сілавікі знаходзяць стваральнікаў стыкераў у Telegram

Месенджары: якія з іх сапраўды бяспечныя і чым Viber лепшы за Telegram

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

2
Чел / Адказаць
07.09.2022
А лучше всего не пользуйтесь Телеграмом. 
Когда-то занимался фотографией, купил толстую книгу "Искусство ретуши". Так там на последней странице написана гениальная фраза, что лучше всего сразу фотографировать нормально, а не пытаться потом спасти кадр. 
Вот я и говорю, что лучше всего сразу не пользоваться Телеграм.
0
Нехта сумны / Адказаць
07.09.2022
Добра, што на гэтую праблему нарэшце звярнулі ўвагу. Даўно стаў заўважаць, што ўсе актываваныя хоць раз боты застаюцца назаўжды. А некаторыя або ў бане, або спамяць. Нажаль, тэлеграм больш дзіравы, чым мы прывыклі думаць
0
Дуров филолог / Адказаць
07.09.2022
Удалить его нафиг да и все. Г.но софт.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру