Святлана Ціханоўская і Жазэп Барэль. Фота: тэлеграм-канал Святланы Ціханоўскай
«У гутарцы з лідаркай беларускай апазіцыі Святланай Ціханоўскай я пацвердзіў непахісную падтрымку Еўрасаюзам барацьбы беларускага народа за ўласную будучыню і суверэнітэт Беларусі, які знаходзіцца пад пагрозай з прычыны саўдзелу Лукашэнкі ў вайне Расіі супраць Украіны», — напісаў Барэль у Твітары.
Паводле інфармацыі Офіса Ціханоўскай, ён запэўніў яе ў поўнай падтрымцы з боку ЭС у барацьбе Беларусі за свабоду і суверэнітэт. Бакі абмеркавалі далейшыя санкцыі і прыцягненне Аляксандра Лукашэнкі да адказнасці за саўдзел у вайне і рэпрэсіі. Таксама падчас размовы ішла гаворка пра падтрымку беларусаў, якія ўцяклі ад пераследу.
16
1
1
0
0
0
