president.gov.by

president.gov.by

Пра гэта заявіў Аляксандр Лукашэнка, прымаючы сёння з дакладам старшыню Дзяржаўнага ваенна-прамысловага камітэта Рамана Галоўчанку, паведамляе БелТА.

Аляксандр Лукашэнка адзначыў, што пасля разрыву Дамовы аб ліквідацыі ракет сярэдняй і меншай далёкасці Беларусь апынулася ў цэнтры ўвагі. Кіраўнік дзяржавы падкрэсліў, што краіна выступае катэгарычна супраць размяшчэння такога ўзбраення ў Еўропе. «Я ўжо не аднойчы пра гэта казаў», - нагадаў кіраўнік дзяржавы.

Таму, растлумачыў ён, даклад Рамана Галоўчанкі не варта ўспрымаць як бразганне зброяй. «Гаворка ідзе пра тое, што мы, таксама знаходзячыся ў гэтым катле, гарачай палітычнай кропцы, не можам не звяртаць увагу на сваю бяспеку. Свет, на жаль, не стаў бяспечнейшым. Мы гэта бачым і, вядома, павінны прадпрымаць пэўныя меры», - заявіў Аляксандр Лукашэнка.

Раман Галоўчанка

Раман Галоўчанка

Лукашэнка пацікавіўся бягучай дзейнасцю Дзяржкамваенпрама, развіццём асноўных напрамкаў работы ведамства.

Таксама кіраўнік дзяржавы спытаў, як цяпер развіваюцца прадпрыемствы, па якіх ім даваліся асобныя даручэнні. Гаворка, у прыватнасці, ішла аб 558-м авіярамонтным заводзе ў Баранавічах, Аршанскім авіярамонтным заводзе, кампаніі «Тэхніка сувязі» ў Барані. «Даручэнне было не адно. Асабліва калі мы глядзелі новыя сістэмы ўзбраенняў. Як рэалізуюцца гэтыя даручэнні? Яны ў асноўным звязаныя не толькі з аднаўленнем дзейнасці існуючых прадпрыемстваў. Яны звязаны з выпускам найноўшых узораў ўзбраення, якія мы здольныя сёння ствараць», — адзначыў кіраўнік дзяржавы.

Асобна ён пацікавіўся развіццём ракетабудаўнічай галіны. Аляксандр Лукашэнка нагадаў, што ў Беларусі ўжо стварылі ракету сярэдняй далёкасці, цяпер у планах распрацаваць яшчэ больш магутную зброю.

«Гаворка ішла аб павелічэнні далёкасці, магутнасці гэтых ракет на падставе той базы, якая ў нас існуе, вопыту нашых партнёраў, перш за ўсё Кітайскай Народнай Рэспублікі, з якой мы актыўна супрацоўнічаем у галіне ракетабудавання. Хацелася б ведаць, як тут прасоўваюцца пытанні і вырашаюцца тыя задачы, якія былі пастаўлены «, - сказаў ён

Раман Галоўчанка далажыў, што задачы, якія стаяць перад ведамствам сёлета, у цэлым выконваюцца. Прадпрыемствы працуюць рэнтабельна, заробак там паступова расце. Па словах старшыні камітэта, Дзяржкамваенпрам курыруе не толькі прадпрыемствы, якія ўваходзяць у яго сістэму, але і ў цэлым арганізацыі абароннага сектара эканомікі.

Клас
0
Панылы сорам
0
Ха-ха
0
Ого
0
Сумна
0
Абуральна
0